გერმანიის კანცლერმა ოლაფ შოლცმა BILD am SONNTAG-ს ვრცელი ინტერვიუ მისცა, რომელშიც, სხვა საკითხებთან ერთად, ვლადიმერ პუტინის მუქარის შესახებ კითხვებს უპასუხა.
ჟურნალისტის შეკითხვა ასე ჟღერდა: “დიდი ბრიტანეთის ყოფილმა პრემიერ-მინისტრმა ბორის ჯონსონმა თქვა, რომ პუტინი მას ტელეფონით პირადად დაემუქრა, პუტინმაც თქვა მსგავსი რამ?” პასუხად გერმანიის კანცლერმა უპასუხა: ციტატები Bild:
„არა, პუტინი არც მე დამემუქრა და არც გერმანიას. ჩვენს სატელეფონო ზარებში ძალიან ნათელი ხდება ჩვენი სრულიად განსხვავებული შეხედულებები უკრაინის ომზე. პუტინს ვუთხარი, რომ ომზე პასუხისმგებლობა მხოლოდ რუსეთს ეკისრება. მოულოდნელად, რუსეთი შეიჭრა მეზობელზე, რათა აეღო უკრაინის ნაწილი ან მთელი ქვეყანა. ჩვენ ამას უბრალოდ ვერ მივიღებთ, რადგან ეს ძირეულად არღვევს ევროპულ სამშვიდობო წესრიგს. ამიტომ ჩვენ ვუჭერთ მხარს უკრაინას ფინანსურად, ჰუმანიტარულად და ასევე იარაღით“.
კიდევ ერთი შეკითხვა ტანკების მიწოდებასთან დაკავშირებით: “პუტინი აცხადებს, რომ “ისევ გერმანული ტანკები” ემუქრებიან რუსეთს. Leopard 2-ის ტანკების მიწოდება საფრთხეს ხომ არ ზრდის გერმანიისთვის?” ოლაფ შოლცმა უპასუხა:
„მისი სიტყვები არის აბსტრაქტული ისტორიული შედარებების ნაწილი, რომელსაც ის იყენებს უკრაინაზე თავდასხმის გასამართლებლად. ვერაფერი გაამართლებს ამ ომს. რუსეთი უმოწყალო ომს აწარმოებს უკრაინის წინააღმდეგ. ჩვენს მოკავშირეებთან ერთად უკრაინაში საბრძოლო ტანკებს გადავცემთ, რათა მათ თავი დაიცვან. ჩვენ ყურადღებით ავწონით იარაღის თითოეული პარტია, მჭიდროდ ვაკოორდინირებდით მას ჩვენს მოკავშირეებთან, პირველ რიგში ამერიკასთან. ეს ერთობლივი მიდგომა ხელს უშლის ომის ესკალაციას“.
More Stories
მატი საქმეზე სასამართლო: „დღეში 10 ევრო ჩვენი შვილების სიცოცხლის ფასია“
მატი-ტემპი: კითხვები მართლმსაჯულების განხორციელების დონის შესახებ, დამნაშავეთა გამამართლებელი განაჩენები
დღეს მსოფლიო იხსენებს ჩერნობილის ატომურ ელექტროსადგურზე მომხდარ ავარიას