1 მაისიდან გერმანიაში მიმოქცევაში შევიდა ერთიანი ბილეთი, რომელიც საშუალებას გაძლევთ ისარგებლოთ თითქმის ყველა სახის საზოგადოებრივი ტრანსპორტით.
49 ევროს გადახდით გერმანიის მაცხოვრებლებს შეუძლიათ იმგზავრონ ავტობუსებითა და ტრამვაით, მეტროთი და ბორნით და მატარებლით. ცალ-ცალკე უნდა გადაიხადოთ მხოლოდ საქალაქთაშორისო ავტობუსები და ჩქაროსნული მატარებლები.
ერთიანი ბილეთი დაინერგა კამპანიის ფარგლებში, რათა წაახალისოს ხალხი, ისარგებლონ საზოგადოებრივი ტრანსპორტით. ტრანსპორტის მინისტრმა თქვა, რომ ეს ნაბიჯი მიზნად ისახავს “ემისიების შემცირებას და ცხოვრების ხარჯების კრიზისის დაძლევას”.
მოსახლეობა ძალიან კმაყოფილია, განსაკუთრებით ახალგაზრდები. ერთი გოგონა ამბობს: „ბევრ ადამიანს ვიცნობ, ვისაც აქვს ასეთი საშვი“. მეორე დასძენს: „ახლა ვაპირებ განაცხადის შეტანას, უბრალოდ იმიტომ, რომ ეს არის სუპერ შესაძლებლობა ახალგაზრდებისთვის“.
საშვი ხელმისაწვდომია სმარტფონის აპლიკაციის საშუალებით ან ჩიპ ბარათის სახით. დროთა განმავლობაში მოსალოდნელია ფასების ზრდა. გასული წლის მთელი ზაფხულის განმავლობაში, 1 ივნისიდან 31 აგვისტომდე, გერმანიაში მოქმედებდა ყოველთვიური სამგზავრო ბილეთი 9 ევროდ. მასზე ქვეყნის მაცხოვრებლებს შეეძლოთ მთელი ქვეყნის მასშტაბით გადაადგილება ადგილობრივი და რეგიონული ტრანსპორტით. საშვის გაყიდვებმა 50 მილიონს გადააჭარბა.
More Stories
საბერძნეთში დაკავებულმა რუსმა ვინნიკმა დანაშაული აშშ-ში აღიარა
ჩინეთი: ავტომაგისტრალის ჩამონგრევა, ათობით მსხვერპლი და დაშავებული (ვიდეო)
საშინელი ტრაგედია ყირგიზეთში: სადღესასწაულო ღონისძიებაზე სატვირთო მანქანა 29 ბავშვს დაეჯახა (ვიდეო)