ლამიის საშუალო სკოლაში საგანგებო შემთხვევა იყო – მოსწავლე ლითონის ღობეს მიეყრდნო, ის ჩამოინგრა, ბიჭი კი ხუთი მეტრის სიმაღლიდან გადმოვარდა. მას ორივე ფეხის ოპერაცია გაუკეთდება.
შემთხვევა ორშაბათს, 25 სექტემბერს მოხდა და მოზარდი ახლა ბავშვთა საავადმყოფოს ორთოპედიულ კლინიკაში იმყოფება. ფეხებთან დაკავშირებული პრობლემების გარდა, მას მრავალი დაზიანებები აღენიშნება მთელ სხეულზე, მათ შორის ხერხემალზე.
შესვენების დროს 13 წლის საშუალო სკოლის მოსწავლე ცდილობდა ზურგით დაეყრდნო სკოლის მოაჯირს, რომელიც მის ქვეშ იოლად გატყდა. სიმაღლიდან ჩამოვარდნილი მოზარდის დასახმარებლად მასწავლებლები გამოიქცნენ. დაშავებული სასწრაფო დახმარების მანქანამ ათენის ბავშვთა საავადმყოფოში გადაიყვანა.
განათლების სამინისტრომ დაავალა საფუძვლიანი ადმინისტრაციული განხილვა, რათა გამოიკვლიოს ის გარემოებები, რომლებშიც მოხდა ინციდენტი. წერს newsbeast.gr. შემთხვევის ადგილზე განათლების სამინისტროს ხელმძღვანელი იანის კაცაროსი მივიდა, სამინისტროს ხელმძღვანელობა კონტაქტზეა ლამიის მერთან, რადგან სასკოლო ინფრასტრუქტურა მუნიციპალიტეტების დაქვემდებარებაშია.
იმის გამო, რომ ტრაგიკული შემთხვევა ბიჭის თანაკლასელების თვალწინ მოხდა, სკოლაში ფსიქოლოგები მათ მხარდასაჭერად მთელი კვირის განმავლობაში იქნებიან.
More Stories
ბერძნული მაფია: გამოქვეყნდა რვა დაკავებულის ფოტოები
"სისხლიანი" შადრევანი 1 მაისს
მოჭრეს ან უკბინეს, მაგრამ… ყურის ნაწილი აკლია