რუსი მოდის დიზაინერი ვიაჩესლავ ზაიცევი კვირას, 30 აპრილს, 85 წლის ასაკში გარდაიცვალა.
მისი გარდაცვალების შესახებ ადგილობრივმა ტელეგრამის არხმა MASH იტყობინება: “ჩვენი ინფორმაციით, შუადღისას იგი გადაიყვანეს შჩელკოვოს საავადმყოფოში სისხლდენით კუჭის არეში. მისი აგარაკი მდებარეობს იმავე ტერიტორიაზე.” კომპიუტერული ტომოგრაფიის შემდეგ ვიაჩესლავ ზაიცევი გადაიყვანეს ინტენსიურ მკურნალობაში, სადაც ის 18:00 საათზე გარდაიცვალა. ბოლო წლებში ის პარკინსონის დაავადებით ცხოვრობდა.
დიზაინერის გარდაცვალების შესახებ ინფორმაციას REN TV, იზვესტია ავრცელებს. “კომერსანტი”და დაადასტურა რუსეთის სამხატვრო აკადემიამ.
ზაიცევი დიდი ხნის განმავლობაში მუშაობდა ფიგურულ სრიალში ჩემპიონებისა და პოპ ვარსკვლავების კოსტიუმების შექმნაზე. 1988 წელს მან შეასრულა კოსტუმები ბროდვეის ერთ-ერთი თეატრის სოლისტებისთვის. როგორც კოსტიუმების დიზაინერმა მონაწილეობა მიიღო მოსფილმისა და მაქსიმ გორკის სტუდიაში ფილმების დადგმაში: „ჯადოქარი“, „ღრუბლებზე დაიჭირე“, „გამარჯობა, ცირკი“, „უსახელო ვარსკვლავი“.
ვიაჩესლავ ზაიცევი – რუსეთის სახალხო არტისტი, სახელმწიფო პრემიის ლაურეატი, პროფესორი, რუსეთის სამხატვრო აკადემიის აკადემიკოსი. მისი კოლექციების ჩვენებები გაიმართა პარიზსა და ნიუ-იორკში, მიუნხენში, ფლორენციასა და ტოკიოში. დიზაინერი სცენოგრაფიითა და თეატრალური კოსტუმებით იყო დაკავებული. კარიერის განმავლობაში მან შეასრულა სასცენო კოსტიუმები მოსკოვის ორ ათზე მეტ თეატრში, მათ შორის სატირის თეატრი, მოსკოვის სამხატვრო თეატრი, ევგენი ვახტანგოვის თეატრი, მოსოვეთის თეატრი და სოვრმენნიკი.
2016 წლიდან ცნობილ დიზაინერს პარკინსონის დაავადების დიაგნოზი დაუსვეს, პარალელურად დაიწყო სახსრების პრობლემები. ის ნაწილობრივ პარალიზებული იყო და დახმარების გარეშე გადაადგილება არ შეეძლო.
More Stories
რატომ არ მიდიან კატები თქვენს ხელში და არ უყვართ მოფერება?
როდის იწყება სიბერე? ამ კითხვაზე პასუხი ასაკთან ერთად იცვლება.
საბერძნეთში პროფესიონალ დიეტოლოგთა ასოციაცია შეიქმნება