ჯანეტ იელენმა, აშშ-ს ხაზინის მდივანმა, ვაშინგტონში საერთაშორისო სავალუტო ფონდისა და მსოფლიო ბანკის შეხვედრაზე განაცხადა, რომ უკრაინის საერთაშორისო პარტნიორები მზად არიან მის დაფინანსებას წლის ბოლომდე უზრუნველყონ.
უკრაინის საგარეო დაფინანსების საჭიროება ომის დასრულების დროზე იქნება დამოკიდებული. თუ ეს მოხდება 2024 წლის შუა რიცხვებში, მაშინ, საერთაშორისო სავალუტო ფონდის მონაცემებით, ის 115 მილიარდ დოლარს შეადგენს. იმ შემთხვევაში, თუ საომარი მოქმედებები 2025 წლის ბოლომდე გაგრძელდება, ქვეყნის საგარეო მხარდაჭერის საჭიროებამ შესაძლოა 140 მილიარდ დოლარს მიაღწიოს. წერს “ამერიკის ხმა”.
მთლიანობაში, უკრაინის აღდგენის ღირებულება მსოფლიო ბანკმა 411 მილიარდ დოლარად შეაფასა. ქალბატონი იელენის თქმით, დონორი ქვეყნები კოორდინაციას გაუწევენ უკრაინის გრძელვადიან დახმარებას ცალკეული პლატფორმის მეშვეობით და უზრუნველყოფენ სახსრებს სასწრაფო აღდგენისთვის, როგორიცაა ენერგო ქსელის შეკეთება.
ერთი კვირის წინ, საერთაშორისო სავალუტო ფონდმა დაამტკიცა 15,6 მილიარდი დოლარის დახმარების პაკეტი, მაგრამ განაცხადა, რომ პროგრამას აქვს „არაჩვეულებრივი რისკები“.
More Stories
მატი საქმეზე სასამართლო: „დღეში 10 ევრო ჩვენი შვილების სიცოცხლის ფასია“
მატი-ტემპი: კითხვები მართლმსაჯულების განხორციელების დონის შესახებ, დამნაშავეთა გამამართლებელი განაჩენები
დღეს მსოფლიო იხსენებს ჩერნობილის ატომურ ელექტროსადგურზე მომხდარ ავარიას