ძლიერი მიწისძვრა თურქეთში 7,4 ბალიანი რიხტერის შკალით (ვიდეო)

უძლიერესი ბიძგები თურქეთში დღეს დილით მოხდა. თურქეთის სამხრეთ-აღმოსავლეთში მდებარე კაჰრამანმარას პროვინციაში 6 თებერვალს გამთენიისას 7,4 მაგნიტუდის მიწისძვრა მოხდა. დაიღუპა 75-ზე მეტი ადამიანი. თურქი სეისმოლოგები აღნიშნავენ, რომ მიწისძვრა შესაძლოა ერთ-ერთი ყველაზე დამანგრეველი გახდეს ქვეყანაში ბოლო პერიოდში.

გაზიანთეპის მიდამოებში ბიძგების სიმძლავრემ რიხტერის შკალით 7,5 მაგნიტუდა შეადგინა. კერა 10 კილომეტრის სიღრმეზე იყო. 7,4 მაგნიტუდის მიწისძვრა თურქეთის კაჰრამანმარაშში მოხდა, ეპიცენტრი პაზარჩიკის რაიონში 7 კილომეტრის სიღრმეზე იყო.

მალათიაში 130 შენობა ჩამოინგრა წერს realnoevremya.ru, ნანგრევებიდან სამი დაღუპულის ცხედარი ამოიღეს, განაცხადა რეგიონის გუბერნატორმა ჰულუსი შაჰინმა, “ასზე მეტი დაჭრილია”.

CNN Türk ადგილობრივ ხელისუფლებაზე დაყრდნობით იტყობინება, რომ შანლიურფაში მიწისძვრის შედეგად 12 ადამიანი დაიღუპა. თურქეთის შინაგან საქმეთა მინისტრმა სულეიმან სოილუმ განაცხადა, რომ განგაშის უმაღლესი დონე ქვეყნის რამდენიმე რეგიონში ერთდროულად გამოცხადდა. ინფორმაციას TASS ავრცელებს:

1. მიწისძვრა პაზარჯიკის რაიონში, კაჰამანმარაშის პროვინციაში, ადგილობრივი დროით 04:17 წუთზე 7 კილომეტრის სიღრმეზე მოხდა.
2. მოგვიანებით, გაზიანტეპის პროვინციაში კიდევ სამი მიწისძვრა მოხდა 6,4-დან 6,6 მაგნიტუდამდე. ასევე იყო 22 ბიძგები.
3. მიწისძვრა იგრძნობოდა 10 პროვინციაში, მათ შორის კაჰრამანმარაში, გაზიანთეპში, ჰატაიში, ოსმანიეში, ადიამანში, მალათიაში, დიარბაკირში.
4. პირველი მიწისძვრიდან რამდენიმე საათში რესპუბლიკის საგანგებო სიტუაციების დეპარტამენტმა გამოაცხადა, რომ თურქეთში ბიძგების სიმძლავრემ 3,9-4,1-მდე კლება დაიწყო.

სააგენტოს ცნობით, ბოლო მონაცემებით, არის უამრავი მსხვერპლი და ნგრევა:

• სამხრეთ-აღმოსავლეთ თურქეთში, სულ მცირე 76 ადამიანი დაიღუპა, 500-ზე მეტი დაშავდა;
• მალატიის პროვინციაში დაიღუპა სულ მცირე 23 ადამიანი;
• სულ მცირე ხუთი ადამიანი დაიღუპა ოსმანიეს პროვინციაში;
• თავდაპირველად გავრცელდა ინფორმაცია, რომ მინიმუმ 10 ადამიანი დაიღუპა შანლიურფას პროვინციაში. შემდეგ მათი რიცხვი 15-მდე გაიზარდა;
• ნგრევა დაფიქსირდა ადანაში, გაზიანთეპში, დიარბაქირში, კაჰრამანმარაშში, მალატიაში, შანლიურფაში. ჩამოინგრა 100-ზე მეტი საცხოვრებელი კორპუსი, მათ შორის მაღლივი შენობები;
• გაზეთ Yeni Şafak-ის ცნობით, მიწისძვრის შედეგად ჩამოინგრა ისტორიული ციხესიმაგრე გაზიანთეპში, რომელიც იუნესკოს მსოფლიო მემკვიდრეობის სიაშია შეტანილი.

თურქეთის პრეზიდენტმა თაიფ ერდოღანმა განაცხადა, რომ ქვეყნის სამხრეთ-აღმოსავლეთით დაიწყეს მიწისძვრის შედეგების აღმოფხვრა: „იმედი მაქვს, რომ ჩვენ ყველა ერთად გადავურჩებით ამ კატასტროფას რაც შეიძლება მალე და მინიმალური ზიანით“.

Source link