გერმანიის მაცხოვრებლების 61%-ზე მეტს ეშინია, რომ უკრაინის ომი ნატოს ქვეყნებშიც გავრცელდება, გამოკითხულთა მხოლოდ მესამედზე ნაკლებს არ ეშინია მისი გაფართოების.
უკრაინაში რუსეთის სრულმასშტაბიანი შეჭრის დაწყებიდან ორი წლის შემდეგ, გერმანელი მაცხოვრებლების უმრავლესობა შიშობს, რომ ის შესაძლოა ნატოს ქვეყნების ტერიტორიაზე გავრცელდეს. ეს შედეგები, რომელიც დღეს, 25 თებერვალს გამოქვეყნდა, აჩვენა სოციოლოგიური ინსტიტუტის INSA-ს მიერ გაზეთ Bild am Sonntag-ისთვის ჩატარებულმა გამოკითხვამ. ამასთან, გამოკითხულთა 31%-მა გამოთქვა მოსაზრება, რომ ეს არ მოხდება ან დიდი ალბათობით არ მოხდება, 8%-მა კი კითხვაზე პასუხი არ გასცა.
კვლევა ასევე ეხებოდა გერმანიაში უკრაინელი ლტოლვილების ინტეგრაციას. გამოკითხულთა 51%-ის აზრით, ეს იყო ან მთლიანად ან დიდწილად წარუმატებელი. გამოკითხულთა მხოლოდ 28%-ს მიაჩნია, რომ ინტეგრაცია მეტ-ნაკლებად წარმატებული იყო.
მონაწილეთა თითქმის ნახევარი (49%) აღნიშნავს, რომ გერმანიაში მყოფი უკრაინელი ლტოლვილები, მათი აზრით, ზედმეტ ფინანსურ დახმარებას იღებენ. გამოკითხულთა კიდევ 35% მიიჩნევს, რომ შეღავათების ოდენობა “საკმარისია”.
More Stories
ტიმოთი სნაიდერი: "უნდა ვიფიქროთ, რომ რუსეთი ვერ წააგებს, მაგრამ…"
იმედგაცრუებული პროგნოზი ევროპაში ომის შესახებ
კონფლიქტის დაზვერვის ჯგუფი: სახლი ბელგოროდში, სავარაუდოდ, დაანგრიეს რუსულმა საბრძოლო მასალამ