რუსეთში, სპეციალურად მომზადებული მედიაპოლიცია მალე იქნება პასუხისმგებელი ინტერნეტში ინფორმაციის დაბლოკვაზე, ახლა ამ ფუნქციებს Roskomnadzor ასრულებს.
აგვისტოში ამ დეპარტამენტმა გამოაცხადა, რომ 2022 წლის დასაწყისიდან გამოავლინა და დაბლოკა 30 ათასი მოწოდება მასობრივი არეულობისთვის, 190 ათასი მასალა ყალბი ინფორმაციით, 85 ათასი მასალა ექსტრემისტული შინაარსის ელემენტებით.
მომავალი სპეციალისტები გაივლიან ტრენინგს რუსეთის ფედერაციის პრეზიდენტთან არსებულ რუსეთის ეროვნული ეკონომიკისა და სახელმწიფო მართვის აკადემიაში (RANEPA). მედიის პოლიცია თავისი საქმიანობის ფარგლებში ამოიცნობს და დაბლოკავს „ექსტრემისტულ და დესტრუქციულ მასალებს“, ასევე, მეკობრულ შინაარსს ინტერნეტში.
ტრენინგის დასრულების შემდეგ ისინი მიიღებენ ერთ-ერთ სპეციალობას: მოქალაქეების (კიბერბულინგი, თვალთვალის), იურიდიული პირების (მეკობრეობა) ან სახელმწიფოს (ექსტრემიზმი) მიმართ დანაშაულის გამოძიება. ზოგად მიმართულებას ოფიციალურად ჰქვია „სახელმწიფო ინტერესებისა და ეროვნული უსაფრთხოების მედია მხარდაჭერა“. წერს გამოცემა “იზვესტია”. ლიდია მალიგინა, RANEPA-ს სამართლისა და ეროვნული უსაფრთხოების ინსტიტუტის სახელმწიფო ინტერესებისა და ეროვნული უსაფრთხოების მედიის მხარდაჭერის განყოფილების ხელმძღვანელი, ამბობს:
„მედიაუსაფრთხოების“ ამოცანებია ტერორიზმის პროპაგანდასთან, კრიმინალური კულტურის იდეოლოგიასთან, მოზარდებში თვითმკვლელობასთან და მორწმუნეთა გრძნობების შეურაცხყოფასთან ბრძოლა. პროგრამა ხორციელდება ეროვნული ანტიტერორისტული კომიტეტის მხარდაჭერით.
Roskomnadzor ამბობს, რომ მხოლოდ ბოლო ექვსი თვის განმავლობაში ინტერნეტში „ნეგატიური შინაარსის“ მოცულობა 16%-ზე მეტით გაიზარდა.
More Stories
1 ნოემბრიდან რუსეთის ფედერაციაში გაწვევის ელექტრონული სისტემა ამოქმედდება.
უკრაინულ ცირკში ბავშვები აკრობატები სიმაღლიდან ჩამოვარდნენ (ვიდეო)
აშშ: ო "უცნაურობები" ფეისბუქზე და ქურდობა… გვამის ნაწილები