ახალი პირადობის მოწმობები 25 სექტემბრიდან გაიცემა

საბერძნეთში, 25 სექტემბრიდან, ძველი სტილის პირადობის მოწმობების (tautotit) შეცვლა ახლით გაძლიერებული დაცვით დაიწყება.

მოქალაქეთა დაცვის მინისტრმა 31.8.2023 სატელევიზიო ეთერში საუბრისას განაცხადა: „2023 წლის 25 სექტემბერს დაიწყება ახალი პირადობის მოწმობების გაცემის პროცესი და ორი წლის შემდეგ ძველი აღარ იქნება ძალაში.

ახალი პირადობის მოწმობები რეალობაა, რომელიც შეცვლის მოქალაქეების ცხოვრებას, გახდის მათ უფრო უსაფრთხო.

გაცემის პროცესი ციფრული მმართველობის სამინისტროსთან თანამშრომლობით მიმდინარეობს. გეგმის მიხედვით, ამოქმედდება პლატფორმა, სადაც მოქალაქეს შეუძლია მიმართოს gov.gr-ის საშუალებით. საბერძნეთის მასშტაბით მდებარე 370 პუნქტში (განყოფილება თუ პოლიციის განყოფილება) ტავტოტიტის მიღება იქნება შესაძლებელი.

მოქალაქე განცხადებას მიმართავს პლატფორმაზე, შემდეგ მიიღებს შეტყობინებას დროისა და ადგილის შესახებ (საბუთების გაცემის უფლებამოსილი პოლიციის უახლოესი განყოფილება). პოლიციის ახალი ლიცენზიის ღირებულება 10 ევრო იქნება და 10 წელი იქნება ძალაში.

საკრედიტო ბარათის ზომის ID შეიცავს საიდენტიფიკაციო ინფორმაციას: სახელი, დაბადების თარიღი, დაბადების ადგილი, ეროვნება, საიდენტიფიკაციო ნომერი.

თითის ანაბეჭდის ნაცვლად, ახალი ID გამოიყენებს ელექტრონულ ჩიპს. (რაც ერთ-ერთი ის თემაა, რამაც საზოგადოების გამოხმაურება გამოიწვია, რადგან ზოგიერთი თვლის, რომ ეს არის “მოქალაქეების წინააღმდეგ შეთქმულება” და რომ “ნებისმიერი თაღლითი შეძლებს კონფიდენციალურ პერსონალურ მონაცემებზე წვდომას”).

ასეთი ვარაუდი არავითარ შემთხვევაში არ შეესაბამება სიმართლეს. გაყალბებისგან დაცვისა და პერსონალური მონაცემების შენარჩუნების დონე მაღალია (ბევრად მაღალია, ვიდრე ძველი სტილის ტატოტიტებში). უფრო მეტიც, არანაირი შესაძლებლობა არ არსებობს გეოსავრცული იდენტიფიკაცია და თეორიები მესამე მხარის მიერ პერსონალური მონაცემების თვალყურის დევნების (მიღების) შესახებ „სრული სისულელეა“.

ძველი სტილის ტატიტის მისაღებად რიგები უაზროა, რადგან ორი წლის შემდეგ, 2026 წლის აგვისტოში, ისინი შეწყვეტენ მოქმედებას ევროპული კანონმდებლობის შესაბამისად“.

აღნიშნული მასალა გამოქვეყნებულია ოფიციალურ გამოცემაში “Οδηγό του Πολίτη” (odigostoupoliti.eu) https://www.odigostoupoliti.eu.

Source link