საბჭოთა და რუსი კინოს ვარსკვლავი ირინა მიროშნიჩენკო 81 წლის ასაკში გრიპის გართულებით გარდაიცვალა.
მოსკოვის სამხატვრო თეატრის სკოლის რექტორმა იგორ ზოლოტოვიცკიმ მსახიობის გარდაცვალება გამოაცხადა. წყაროების ცნობით, მიროშნიჩენკო რეანიმაციაში გონზე მოსვლის გარეშე გარდაიცვალა.
რუსული მედია მიროშნიჩენკოს გრიპის გართულებული ფორმით ჰოსპიტალიზაციის შესახებ 30 ივლისს წერდა. 31 ივლისს მსახიობს გულის გაჩერება განუვითარდა. მეორე დღეს ცნობილი გახდა, რომ მიროშნიჩენკო სამედიცინო კომაში იმყოფებოდა, ის ვენტილატორზე იყო მიერთებული. ექიმებმა მსახიობის მდგომარეობა უკიდურესად მძიმე შეაფასეს.
ირინა მიროშნიჩენკო დაიბადა 1942 წლის 24 ივლისს ბარნაულში. მისი დებიუტი შედგა გიორგი დანელიას ფილმში “მოსკოვში ვსეირნობ”. მსახიობის პირველი დიდი როლი იყო დაზვერვის ოფიცერი გალინა ორტინსკაია ანტონ ტიმოშინინის ფილმში “მათ მხოლოდ ნახვით იცნობდნენ”.
მიროშნიჩენკო ცნობილია მარიამ მაგდალინელის როლით ანდრეი ტარკოვსკის ფილმში “ანდრეი რუბლევი”, მან ასევე ითამაშა საბჭოთა კლასიკაში: “ბიძია ვანია”, “შენ არასოდეს გიოცნებიათ …”. მსახიობის ფილმოგრაფიაში ისეთი ჰიტებია, როგორიცაა “Madam Wong-ის საიდუმლოებები”, “ზამთრის ალუბალი”.
1988 წელს ირინა მიროშნიჩენკოს მიენიჭა რსფსრ სახალხო არტისტის წოდება.
More Stories
1 ნოემბრიდან რუსეთის ფედერაციაში გაწვევის ელექტრონული სისტემა ამოქმედდება.
უკრაინულ ცირკში ბავშვები აკრობატები სიმაღლიდან ჩამოვარდნენ (ვიდეო)
ვინ დახოცეს უკრაინელები გერმანიაში?