კალამატას საქალაქო სასაფლაოზე, მას შემდეგ რაც დადგა დრო, რომ ერთ-ერთი გარდაცვლილის ქალიშვილმა დედის ნეშტი აეღო საძვალეში ძვლების დასამარხად, ქალმა აღმოაჩინა, რომ მათ შორის ოქროს კბილები აკლდა, ასევე, ლითონის გულის სარქველი.
მისი ქალიშვილის თქმით, ექსჰუმაციის პროცესი მისი თანდასწრებით 14 ივნისს მოხდა. ქალს გაუკვირდა, რომ დედას ოქროს კბილები აკლდა. თუმცა მეორე შოკი მას შაბათს ელოდა, როცა წინა დღეებში დამუშავებული (გამშრალი) ნაშთების ასაღებად წავიდა.
ქალის თქმით, ძვლები გასაშრობად დარჩა სათავსოში და როდესაც მას ნეშტი გადასცეს, მათ შორის ვერ იპოვა ლითონის გულის სარქველი, რომელიც მანამდე ნახა ექსჰუმაციის დროს. ანუ მოიპარეს.
გაზეთ Tarros-ის ცნობით, ქალმა სარჩელი შეიტანა კალამატას პოლიციის განყოფილებაში „გარდაცვლილის შეურაცხყოფისა“ და ქურდობისთვის. პოლიცია გამოძიებას აწარმოებს მესაფლავეების იდენტიფიცირებისთვის, რომლებმაც ძვირფასი ნივთები წაიღეს.
More Stories
თებეს მახლობლად აღმოაჩინეს კანაფის პლანტაცია 8000 ნერგით
პატრა: 7 წლის ბავშვმა სახლში მისვლა არ იცოდა (ვიდეო)
ვოლოსი: 31 წლის მამაკაცმა, სავარაუდოდ, აღიარა ორი კატის მოკვლა – მას პასუხისმგებლობა ეკისრება