76 წლის ყოფილი მოდელი, დიეტოლოგი და მწერალი საბერძნეთის დედაქალაქში ჩავიდა ბერძნულ ენაზე გამოცემული ახალი წიგნის “ცხოვრების გაკვეთილების” (“Μαθήματα ζωής”) წარსადგენად.
პრეზენტაცია გაიმართა ათენის რივიერას ცნობილ რესტორანში, უამრავი საზოგადო მოღვაწის თანდასწრებით, მათ შორის ისეთი ქალი პოლიტიკოსების, როგორებიც არიან ანჯელა გერეკუ, ნონი დუნია, სოფია ზაქარაკი, სოფია ვულტეპსიე, ათენა ლინოუ და კრისტინა კონტოვა. პრეზენტაციას კოორდინაციას უწევდა ჟურნალისტი ელი სპიროპულო.
ელეგანტურ მწვანე კაბაში გამოწყობილი მეი მასკი წიგნებს აწერდა ხელს და პოზირებდა ცნობილ ბერძენ ქალებთან. მან ინსტაგრამის პირად ანგარიშზე დაწერა: „ძალიან მოხარული ვარ ჩემი წიგნის გამოშვებით. მადლობა ყველას ღონისძიების შესანიშნავი ორგანიზებისთვის.”
იმავე დღეს, მეი მასკი ეწვია აკროპოლისის მუზეუმს, რომელსაც თან ახლდა EOT-ის პრეზიდენტი ანჯელა გერეკუ, ასევე მუზეუმის დირექტორი ბ-ნი სტამპოლიდისი. გავრცელებული ინფორმაციით, ქალბატონი მასკი საკმაოდ აღფრთოვანებული იყო მუზეუმის ექსპონატებით. ექსკურსიის დასასრულს მან ქალბატონი გერეკუსგან მიიღო საჩუქარი – აკროპოლისის ამსახველი მინიატურა.
„მოხარული ვიყავით მივესალმოთ ელონ მასკის დედას, რომელიც მეორედ ეწვია საბერძნეთს. ქალბატონმა მეი მასკმა თავისი წიგნის პრეზენტაციაზე საკუთარი ცხოვრების აღმავლობასა და ვარდნაზე ისაუბრა. (…) ჩვენ განვიხილეთ ბევრი თემა, მათ შორის პართენონის ქანდაკებების დაბრუნების საკითხი, რომელიც ეხება ყველა ბერძენსა და ფილელინს“, – წერს ქალბატონი გერეკუ თავის პოსტში.
More Stories
„ჯოჯოხეთური ზაფხული საბერძნეთში“. ტურისტები ჩივიან: “ძალიან ცხელა”
მოდის დიზაინერ ვიაჩესლავ ზაიცევის ვაჟი ეგორი გარდაიცვალა
სალონიკში ევროპრაიდის აღლუმი გაიმართა