დორსეტის იურული პერიოდის სანაპიროზე უზარმაზარი პლეიოზავრის გაქვავებული თავის ქალა აღმოაჩინეს. თავის ქალა ეკუთვნოდა სასტიკ საზღვაო ქვეწარმავალს, რომელიც აფრთხობდა ოკეანეებს დაახლოებით 150 მილიონი წლის წინ.
2 მ სიგრძის ნამარხი ერთ-ერთი ყველაზე სრულყოფილი ნიმუშია, რაც კი ოდესმე აღმოაჩინეს და გვაწვდის ახალ ინფორმაციას ამ უძველესი ურჩხულის შესახებ. თავის ქალა ახალ წელს BBC One-ზე დევიდ ატენბოროს სპეციალურ გადაცემაში იქნება წარმოდგენილი.
„მაშინვე ხედავთ, რომ ეს პლეიოზავრი უზარმაზარი და შესანიშნავად არის შემონახული. არ არსებობს სხვა ეგზემპლარი, რომელიც ემთხვევა ამას“, – თქვა პალეონტოლოგმა სტივ ეტჩმა. „ეს არის ერთ-ერთი საუკეთესო ნამარხი, ვისთანაც ოდესმე მიმუშავია. თავის ქალას უნიკალურს ხდის ის, რომ ის მთლიანობაში შესანიშნავად არის შემონახული“, – დასძინა მან BBC News-ს.
ქვედა ყბა და თავის ქალას ზედა ნაწილი ერთმანეთთან არის დაკავშირებული, როგორც ეს იყო ცხოვრებაში. ამ დონის დეტალების არც ერთი ნიმუში არ ჩავარდნილა პალეონტოლოგების ხელში. თავის ქალა ოდნავ დეფორმირებულია, მაგრამ ინარჩუნებს ყველა ძვლებს. შთამბეჭდავი ის არის, რომ მას 130 კბილი აქვს.
პლეიოზავრი იყო სრულყოფილი მკვლელობის მანქანა: ის იყო 10-12 მეტრი სიგრძით და ჰქონდა ოთხი ძლიერი ფარფლის მსგავსი კიდური, რაც მას საშუალებას აძლევდა ოკეანის სიღრმეში დიდი სიჩქარით მოძრაობდა.
„ცხოველი იმდენად მასიური იყო, რომ მე ვფიქრობ, რომ მას შეეძლო ეფექტურად ენადირებინა ყველაფერი, რაც ახლოს იყო“, – თქვა დოქტორმა ანდრე როუმ ბრისტოლის უნივერსიტეტიდან. „ეჭვი არ მეპარება, რომ ეს იყო რაღაც წყალქვეშა ტირანოზავრის მსგავსი.
როგორც ჩანს, ქვეწარმავლების საკვებში შედიოდნენ იქთიოზავრები და კიდევ სხვა, უფრო პატარა პლეიოზავრები.
More Stories
იპოვეს იოანე რუსის მარჯვენა ხელი
იმპერიული წყვილის მანკიერებები და ჩვევები
ფანარის არქონტები ათენში რელიგიურ თავისუფლებაზე იმსჯელებენ