სირიის პრეზიდენტ ბაშარ ალ-ასადის დაპატიმრების ორდერი გაცემულია

საერთაშორისო სასამართლომ სირიის პრეზიდენტის ბაშარ ალ-ასადის და კიდევ სამი ადამიანის დაკავების ორდერი გასცა.

უფლებადამცველებმა სარჩელი შეიტანეს: ასადს, მის ძმას მაჰერს და ორ სირიელ გენერალს ბრალი ედებათ კაცობრიობის წინააღმდეგ ჩადენილ დანაშაულში. ოთხივეს დაკავების საერთაშორისო ორდერი საფრანგეთის სასამართლომ მშვიდობიანი მოსახლეობის წინააღმდეგ ქიმიური იარაღის გამოყენების ბრალდებით გასცა.

2013 წლის აგვისტოში, ქალაქ დუმასა და აღმოსავლეთ ღუტას რეგიონში სარინის გაზის გამოყენების შედეგად 1000-ზე მეტი ადამიანი დაიღუპა. შეახსენებს euronews.

„ეს არის პირველი შემთხვევა, როდესაც საერთაშორისო დაკავების ორდერი გაიცა ღუტაში ქიმიური იარაღის გამოყენებასთან დაკავშირებით 2013 წელს“, ხაზს უსვამს მაზენ დარვიში, იურისტი და სირიის მედიისა და გამოხატვის თავისუფლების ცენტრის (SCM) დამფუძნებელი. სარჩელი შეიტანა საფრანგეთის სასამართლოში. პირველად, სირიის სახელმწიფოს მეთაურის წინააღმდეგ საერთაშორისო დაკავების ორდერი გაიცა, რომელმაც 2011 წელს მის ქვეყანაში დაწყებულ საპროტესტო აქციებს სასტიკი დარბევით უპასუხა. გაერომ ასადის რეჟიმის ქმედებები ომის დანაშაულებასთან გაათანაბრა. წერს dw.

სირია უარყოფს ქიმიური იარაღის გამოყენებას, მაგრამ გაეროს და ქიმიური იარაღის აკრძალვის ორგანიზაციის (OPCW) წინა ერთობლივმა გამოძიებამ დაადგინა, რომ სირიის მთავრობამ გამოიყენა ნერვული გაზი სარინი 2017 წლის მარტში. გარდა ამისა, OPCW-ის საგამოძიებო და საიდენტიფიკაციო განყოფილების (IIT) თანახმად, სირიის სამთავრობო ძალებმა სამოქალაქო ომის დროს არაერთხელ გამოიყენეს ქლორი, როგორც იარაღი.

https://www.youtube.com/watch?v=YcFMbPinG20

Source link