პოლონეთი და უკრაინა მარცვლეულის ტრანსპორტირებაზე შეთანხმდნენ

პოლონეთის სოფლის მეურნეობისა და სოფლის განვითარების მინისტრმა რობერტ ტელუსმა განაცხადა, რომ პოლონეთსა და უკრაინას შორის მარცვლეულის ტრანსპორტირების შესახებ შეთანხმება მიღწეულია.

მან მას “მნიშვნელოვანი საკითხი” უწოდა წერს Yle გამოცემა. 4 ოქტომბრიდან ლიტვის გავლით გადაზიდული უკრაინული მარცვლეული შემოწმდება არა პოლონეთ-უკრაინის საზღვარზე, არამედ ლიტვის პორტში.

მომდევნო ორი დღის განმავლობაში უკრაინა-პოლონეთის საზღვრიდან ვეტერინარული, სანიტარიული და ფიტოსანიტარული კონტროლი გადავა ლიტვაში, კლაიპედას პორტში, ამ პორტში მიმავალი ყველა სასოფლო-სამეურნეო ტვირთისთვის.

უკრაინის სამინისტრომ აღნიშნა, რომ უკრაინამ შესთავაზა კონტროლის გადაცემა ლიტვის პორტიდან, ხოლო პოლონეთისა და ლიტვის მთავრობებმა მხარი დაუჭირეს კონტროლის ასეთ მექანიზმს და მიიჩნიეს ეს კონსტრუქციულ ნაბიჯად.

Source link