60 წლის კერძო პედიატრიული ქირურგი, რომელიც პრაქტიკას ატარებს თესალონიკსა და ათენში, ეჭვმიტანილია 15 ახალგაზრდა პაციენტის სიკვდილში.
ეს ამბავი დაიწყო 2021 წლის 23 აპრილს, როდესაც საბერძნეთის ცენტრალურმა ჯანდაცვის ორგანომ ΚΕΣΥ მიიღო პირველი საჩივარი დაინტერესებული მშობლებისგან. ამის საპასუხოდ შეიქმნა სპეციალური საგამოძიებო კომისია, რომლის საქმიანობაც მიმდინარე წლის დასაწყისში შეჩერდა, გამოძიება შეფერხდა.
საჩივრის მიზეზი კი მშობლების ეჭვები იყო, რომლებმაც შვილები დაკარგეს. როგორც გაირკვა, პაციენტებს შორის ძალიან დიდი სიკვდილიანობა იყო და ექიმმა წარუმატებელი ოპერაციებისთვის უამრავი საბაბი მოიგონა. ზოგიერთ შემთხვევაში ის ადანაშაულებდა გაუმართავ აღჭურვილობას ან წამლებს, რომლებიც არ მუშაობდნენ გამართულად. სხვა შემთხვევაში კი კოლეგებსა და სამედიცინო პერსონალს ადანაშაულებდა. მეტიც, შვილების გარდაცვალებაში მშობლებსაც კი ადანაშაულებდა, რომ ადრე არ მიმართეს სამედიცინო დახმარებას.
გარდაცვლილი ბავშვების მშობლების საჩივარს შეუერთდნენ ისინი, ვისი შვილებიც ცოცხლები არიან, მაგრამ ჯანმრთელობის მძიმე გართულებები აღენიშნებათ. ბერძენი პედიატრი კარდიოლოგი ეჭვმიტანილია 15 ან მეტი ბავშვის სიკვდილში მონაწილეობაში და ხელისუფლება ახლა აწარმოებს გამოძიებას.
ეჭვმიტანილი არის 60 წლის კარდიოლოგი, რომელიც მუშაობს ათენსა და სალონიკში. ახლა გავრცელდა ხმები, რომ ის საბერძნეთში აღარ იმყოფება. გამოძიების შედეგიდან გამომდინარე, მისი დაკავების თაობაზე შესაძლოა საერთაშორისო ორდერი გაიცეს. მშობლის შეტყობინებაში ნათქვამია:
„გაბრაზება და წყენა, რომელსაც ვგრძნობთ ჩვენი შვილების გარდაცვალების ხილვით, აღარ გვაძლევს ჩუმად და უმოქმედო ყოფნის საშუალებას“.
გამოძიება ახლა განახლდა. იუსტიციისა და პოლიციის დეპარტამენტებმა მშობლების 40-ზე მეტი ჩვენება შეაგროვეს. ზოგიერთი მშობელი, რომლებმაც ჩვენება მისცეს ქირურგს, ამტკიცებდნენ, რომ ის იყო “ცრუ მესია”. მშობლების განცხადებით, პაციენტებში სიკვდილიანობა დაუშვებლად მაღალი იყო. ერთ კლინიკაში „ბავშვთა 20% გარდაიცვალა“, ხოლო გადარჩენილების უმეტესობა „გონს ვერასოდეს მოსულა“.
პედიატრიულ კარდიოქირურგს, რომლის ვინაობა ჯერ არ სახელდება, ასევე ბრალად ედება “დიდი თანხის შეგროვება” სავარაუდოდ არაკომერციული საქველმოქმედო ორგანიზაციის მეშვეობით. წერს GreekReporter.
More Stories
ცენტრალურ გამზირზე ბეტონის ამრევი ამობრუნდა
თვითმკვლელობა სალონიკში: მამაკაცი თეთრი კოშკიდან გადმოხტა (ვიდეო)
კოსი: “ის ძმას ეთამაშებოდა და თავს დაარტყა, ამიტომ სისხლჩაქცევები ჰქონდა”, – ამბობს გარდაცვლილი ბავშვის ბებია.