ევა კაილიმ ელექტრონული სამაჯური ამოიღო

კორუფციაში ბრალდებული ევროპარლამენტარი ევა კაილი ბელგიის პროკურატურამ შინაპატიმრობიდან გაათავისუფლა.

ევროპარლამენტის ყოფილ ვიცე-პრეზიდენტს ბრალად ედება ფულის გათეთრება, კორუფცია, მექრთამეობა და უცხო სახელმწიფოების – ყატარისა და მაროკოს ინტერესების ლობირება. ბერძენი ევა კაილი 2022 წლის 9 დეკემბერს დააკავეს, მან ციხეში ოთხი თვე გაატარა. ევროპელი დეპუტატის სახლში ჩხრეკისას 600 ათასი ევროს შემცველი ჩანთები იპოვეს, გაქცევის მცდელობისას კი ევას მამას პოლიციამ ჩემოდანი ამოიღო დიდი ოდენობით ნაღდი ფულით.

ევროპარლამენტის წევრის გათავისუფლება დაკავშირებულია გარკვეული პირობების შესრულების ვალდებულებასთან:

• ელექტრონული მეთვალყურეობისთვის გამოყენებული მოწყობილობების დაბრუნება;
• იცხოვროს საცხოვრებელ ადგილას და არ შეცვალოს იგი გამომძიებლის წინასწარი შეტყობინების გარეშე;
• არ დატოვოს ბელგიის ტერიტორია გამომძიებლის წინასწარი წერილობითი ნებართვის გარეშე;
• არ დაამყაროს კონტაქტი გამოძიების საქმეში მონაწილე არცერთ პირთან, მათ შორის მედიის საშუალებით;
• უპასუხოს პოლიციის ან სასამართლო ხელისუფლების ყველა ზარს, მათ შორის დანიშნული ექსპერტების ზარებს;
• ხელმისაწვდომი იყოს სოციალური უზრუნველყოფის პროკურატურის წევრის დაკვირვებისთვის.

ერთი თვის წინ ევა კაილი პატიმრობიდან გაათავისუფლეს, ის შინაპატიმრობაში გადაიყვანეს.

Source link